"Y SAWL A UNODD BYW TALI NA WAHANED PRIODAS..."
         
          Rhyfedd fel mae pobol yn gwrthdaro,
          Ac yn ffaelu cytuno...
          Dyna i chi Brys
          A Beti 'i fisus -
          Y ddau wedi
          Bod yn byw tali
          Am flwyddyn neu ddwy,
          Neu fwy.
          Pan glywodd y ddau deulu
          Fe fu pethe'n tasgu -
          Gweiddi cas
          Ac ambell air go fras,
          A  dau dad yn gwgu
          A dwy fam yn pwdu,
          Yn fawr ‘u cur,
          Am nad oedd modrwy ar law'r bur -
          Y bur? - A hithau'n cydwelya
          Heb fendith cofrestrfa
          Na neb a fo'n gweinidoga?
          (Doedd hynny ddim yn beth gweddus, 
          A Beti'n ferch i ddiacon parchus.)
          A beth pe dôi babi
          A hithau'n "gorfod" priodi,
          A phawb yn cyfri'r misoedd,
          A'r rheiny'n fêl ar fysedd,
          Rhwng y diwrnod priodasol
          A dydd y cynnydd teuluol -
          A hynny ar un llaw?
          Rhyfedd ar y naw.
          Onid gwarthus -
          A rhyfygus - 
          Pe priodai "yn y gwyn",
          Gyda hyn,         
          Er ei bod yn nodedig
          O chwyddedig?
             Ta' pun,
          O'r diwedd fe gytunodd y fun
          Y byddai'n fwy taclus
          Petai hi a Phrys
          Yn rhoi cwlwm glân briodas
          Ynghyd â thipyn o urddas
          Yn ôl defodau cymdeithas
          Biwritanaidd,
          Anwaraidd,
          Ffilistaidd,
          A hollol
          Ragrithiol.
          A sylwer nad oedd sôn am fapa
          Yn ei bola.
          Serch hynny, pennwyd y dydd -
          Dydd yr ymbarchuso
          [Gobeithio] -
          A throi'n ðr gwraig ac yn wraig gðr,
          Bid siðr,
          Drwy ddefod
          A llofnod,
          A dymuniadau gorau
          I'r ddau,
          A chonffeti
          Dros het Beti
          A mis mêl, er nad oedd fawr o bwynt -
          Ond roedd y dydd yn eu hanes yn drobwynt.
          A dyna'r gwir -
          Oherwydd cyn hir
          LLedodd si,
          Gair o anfri,
          Fod Prys
          A'i fisus,
          Mewn brys i wahanu -
          A'r briodas yn simsanu -
          Ar ôl y sbloet a'r gost
          (Fe fu Dadi'n bur dost)
          A gorfod dychwel y rhoddion,
          Y llestri nad oeddyn yn deilchion,
          Gwrthbannau, tostiwr, tywelion,
          Murluniau, sosbenni,
          Y peiriant golchi,
          Y cyfan i gyd
          I'w dychwelyd
          Gydag ymddiheuriad
          Am y digwyddiad!
             Wel, os do fe'te!
          Fe fu yno'r fath le!         
          Os oedd Dad yn grac y tro o'r bla'n,
          Tro hyn roedd e'n wenfflam fel tân!
          A mam yn sgrechen mwrdwr,
          Yn athrist ei chyflwr -
          Pam ddiain na fydden nhw 'di aros yn ddibriod,
          Yn eu pechod,
          Gan fyw tali
          Yn deidi?

         

 

Babi

Bu wbain pan aeth Babi – am ei fwyd
(Ble mae’i fam?) i weiddi:
`Potel laeth lawn maeth i mi –
Ni ddotiaf fawr ar dditi’.

 

 

Englynion Meddwyn

Macwy sy am Mackeson - yn ochain,
Awchus am Worthington;
Am whisgi, sierri mae’n sôn –
Yfed cwrw fel afon.

 

Afon o fedd i feddwyn - neu Guineass
À gwên ar y woblyn;
Tancio’r trochion eigionwyn
Onid gwych yw’r gwydraid gwyn?

 

Surwin sy’n wych - a sieri – â’i ymbil
Ydi `ambell’ whisgi;
Ym mhoen ig mae’n mynegi
"Siandi nawr, un mawr, i mi"

 

Siandi a brandi i’r brawd - a hwylir
Yn hylaw rhwng deufawd;
A’i oerfron dwyma’r birfrawd
À `rum’ – ei feunyddiol rawd.

 

I’w rawd yn simsan rodio – yn hercog
Fel corcyn yn morio;
Fel eliffant yn danto -
Diurddas, un cas yw Co.

 

Co ag atgo am fodca – yn sgwrio
Ymysgaroedd ei gylla;
A’i gri ffôl i’w daith ola?
"Myn Diawl! – Boed imi win da!"

 

 

 

Cwestiwn

Sut hwyl gest ar dy wyliau? A fynnaist
Feinir yn dy freichiau
À thân yn ei chusanau
Am ennyd lwys, ddwys i ddau?

 

 

 

 

Ffor Owyr Inglish Spicing Ffrends:

Miss World

She’s so cute – such a beauty – a maiden
So modest and pretty;
A queen in her bikini –
So neat and so sweet is she.

 

 

 

I’r Olew Rhag Gorheulo

Sunhine is most essential – on your tum
For a tan right royal;
Rub hard my back – you’re a pal,
O spouse, with ointment special.

 

 

 

Pour Nos Amis Français

À Votre Santé

A Tours ‘il y a un hôpital – en ville
Qu’on voie en cadre spéciale;
Il est énorme - c’est normal
Pour guérir (sans mourir) le mal.