|
|
|
|
|
|
Menna Elfyn
CAN DROS Y BARDD BYCHAN
[Bu farw Jassim o effeithiau rhyfel y Gwlff 1af
o liwcemia. Deuddeg oed ydoedd a'i awydd
oedd bod yn fardd...]
Maddau imi Jassim
am ddwyn dy eiriau
er mwyn ennill calonnau.
Ti oedd y bardd bychan
fu'n gweithio'n y stryd
-yn gwerthu sigarennau
nes i fwg arall,
feddiannu dy wythiennau
Wna i ddim dweud llawer
am y rhyfel, na'r amser
pan oedd iwraniwm
a thaflegrau trwm
yn codi'n llwch uwch Basra,
nes i storm yr anial ddifa
rhai fel ti.
A na, does fawr o bwynt
imi grybwyll y bydd ei wynt
yn cerdded y tir,
am amser hir, hir
pedair mileniwm , i ddweud y gwir.
Achos , doeddet ti ddim yn rhan o hanes
-y dynion mawr a'u dial, a'u 'sgarmes,
heblaw am y frwydr am anadl,
doeddet ti ddim yn rhan o'u dadl,
wrth it gasglu llond gwlad o ddiarhebion
mewn sgrifen fan, mewn llyfrau breision.
dyma un y carwn ddweud yr eiliad hon,
'gwyn eu byd, y rhai pur o galon'.
A beth oedd y rhai a luniaist ti?
'Beth sydd yn fwy na thi,
Farwolaeth?'
Ac am na fydd ing yn deall yr hengerdd,
cystal in droi popeth yn 'angerdd'.
Cama [Cafodd anifail ei eni - o frid y camel a'r lama yn ddiweddar. Fe'i alwyd yn cama ac roedd pawb yn gyffrous am mai un teulu oedd y camel a'r lama ers talwm]
Yn Atacama , ymhell yn yr anial a hanner lama, ac yntau'n llamu rhyw dwymyn aflonydd , yn lluwch mor gynnes A'r anwes-un sy'n dalp o'r cread
Gêm Luniau Beth yw'r haul? Beth yw'r darn lleuad? Beth yw'r llosgyfynydd? Beth yw'r gwynt? Beth yw bardd? |
